{"id":7423,"date":"2023-01-20T09:59:13","date_gmt":"2023-01-20T09:59:13","guid":{"rendered":"https:\/\/mollekuqja.coreup.co\/?p=7423"},"modified":"2024-10-20T10:03:40","modified_gmt":"2024-10-20T10:03:40","slug":"rritet-numri-i-pedofileve-shumica-ne-liri-ndersa-veprimet-e-institucioneve-siperfaqesore","status":"publish","type":"post","link":"https:\/\/mollekuqja.coreup.co\/mk\/rritet-numri-i-pedofileve-shumica-ne-liri-ndersa-veprimet-e-institucioneve-siperfaqesore\/","title":{"rendered":"Rritet numri i pedofil\u00ebve, shumica n\u00eb liri nd\u00ebrsa veprimet e institucioneve sip\u00ebrfaq\u00ebsore"},"content":{"rendered":"
\n

\u00cbsht\u00eb rritur numri i pedofil\u00ebve t\u00eb regjistruar n\u00eb\u00a0Regjistrin e Pedofil\u00ebve t\u00eb Maqedonis\u00eb s\u00eb Veriut<\/a>,\u00a0t\u00eb cil\u00ebt me vendim t\u00eb plotfuqish\u00ebm jan\u00eb d\u00ebnuar p\u00ebr vepra penale q\u00eb kan\u00eb t\u00eb b\u00ebjn\u00eb me abuzimin seksual t\u00eb f\u00ebmij\u00ebve.\u00a0N\u00eb maj 2022 ky num\u00ebr ishte\u00a0294\u00a0nd\u00ebrsa sot n\u00eb janar 2023 ky num\u00ebr \u00ebsht\u00eb 303. Disa prej tyre jan\u00eb n\u00eb liri, nd\u00ebrsa t\u00eb tjer\u00eb vuajn\u00eb d\u00ebnimin. Megjithat\u00eb, ky regjist\u00ebr vazhdimisht has n\u00eb probleme t\u00eb vazhdueshme, nd\u00ebrsa numri i veprave penale nga kjo fush\u00eb \u00ebsht\u00eb shqet\u00ebsues.<\/strong><\/p>\n

\u00c7far\u00eb \u00ebsht\u00eb ky regjist\u00ebr dhe cilat jan\u00eb problemet?<\/strong><\/h5>\n

N\u00eb regjistrin e pedofil\u00ebve t\u00eb krijuar nga Ministria e Pun\u00ebs dhe Politik\u00ebs Sociale, aktualisht jan\u00eb t\u00eb regjistruar 303 persona.<\/p>\n

Regjistri p\u00ebrmban t\u00eb dh\u00ebna p\u00ebr personat e d\u00ebnuar me vendim t\u00eb form\u00ebs s\u00eb prer\u00eb p\u00ebr\u00a0krime kund\u00ebr liris\u00eb seksuale dhe moralit seksual ndaj f\u00ebmij\u00ebve, aty jan\u00eb t\u00eb sh\u00ebnuara emri, mbiemri, pseudonimi, dat\u00eblindja, adresa e vendbanimit-q\u00ebndrimit, krimi p\u00ebr t\u00eb cilin jan\u00eb d\u00ebnuar, masa e d\u00ebnimit, fillimi, pushimi apo ndryshimi i vuajtjes s\u00eb d\u00ebnimit me burg.<\/p>\n<\/div>\n

\n
\"Rritet<\/div>\n
\n

T\u00eb dh\u00ebnat e t\u00eb gjith\u00eb t\u00eb regjistruarve n\u00eb k\u00ebt\u00eb regjist\u00ebr publik, pavar\u00ebsisht n\u00ebse ndodhen n\u00eb burg apo dalin nga burgu pasi ta vuajn\u00eb d\u00ebnimin, mbeten n\u00eb regjist\u00ebr, me q\u00ebllim t\u00eb parandalimit dhe mbrojtjes s\u00eb popullat\u00ebs dhe f\u00ebmij\u00ebve. Pra n\u00ebse nj\u00eb person vendoset n\u00eb k\u00ebt\u00eb regjist\u00ebr, ai do t\u00eb jet\u00eb aty derisa t\u00eb jet\u00eb gjall\u00eb.<\/p>\n

Ky regjist\u00ebr edhe pse shum\u00eb i nevojsh\u00ebm p\u00ebr popullat\u00ebn, her\u00eb pas here nuk \u00ebsht\u00eb i qassh\u00ebm. Ministria e Pun\u00ebs dhe Politik\u00ebs Sociale arsyetohet se faqja me raste bie pasi b\u00ebhet p\u00ebrdit\u00ebsimi i s\u00eb nj\u00ebjt\u00ebs.<\/p>\n

Megjithat\u00eb s\u00eb fundmi, kur nj\u00eb qytetar klikon k\u00ebt\u00eb ueb faqe, jo menj\u00ebher\u00eb paraqitet regjistri, del nj\u00eb dritare e cila l\u00eb hap\u00ebsir\u00eb dyshimi se kjo ueb-faqe nuk \u00ebsht\u00eb e sigurt p\u00ebr p\u00ebrdorim. Pasi aty thuhet se mund t\u00eb ju vidhen t\u00eb dh\u00ebna personale.<\/p>\n

Kjo paraqitet n\u00ebse klikoni n\u00eb registarnapedofili.mk.<\/p>\n<\/div>\n<\/div>\n

\n

P\u00ebr k\u00ebt\u00eb, pyet\u00ebm n\u00eb Ministrin\u00eb e Pun\u00ebs dhe Politik\u00ebs Sociale (MPPS), se p\u00ebrse nuk po sofistikohet ky regjist\u00ebr. Nga atje u p\u00ebrgjigj\u00ebn shkurt pa dh\u00ebn\u00eb detaje.<\/p>\n<\/div>\n

\n
<\/div>\n

Ju informojm\u00eb se Regjistri i Pedofil\u00ebve \u00ebsht\u00eb duke funksionuar, ndoshta n\u00eb momentin e k\u00ebrkimit tuaj ka pasur ndonj\u00eb arsye teknike q\u00eb nuk keni mundur t\u00eb hyni n\u00eb t\u00eb. N\u00ebse keni problem me hyrjen n\u00eb faqe dhe ju del opsioni opsionin advanced, klikojeni at\u00eb dhe m\u00eb pas continue to\u00a0www.registarnapedofili.mk.<\/p>\n

\n
<\/div>\n

Ministria e Pun\u00ebs dhe Politik\u00ebs Sociale<\/p>\n

<\/div>\n<\/div>\n<\/div>\n
\n

N\u00eb form\u00eb vizuale k\u00ebshtu duket kjo p\u00ebrgjigje e Ministris\u00eb.<\/p>\n<\/div>\n

\"pedofil-3-1674240722.webp\"<\/div>\n
\n

Nd\u00ebrkaq, pas klikimit t\u00eb k\u00ebsaj, faqja \u00ebsht\u00eb e qasshme dhe aty mund t\u00eb shihen se kush jan\u00eb pedofil\u00ebt dhe t\u00eb dh\u00ebnat e tyre.<\/p>\n

Ky regjist\u00ebr shpesh edhe bie dhe nuk \u00ebsht\u00eb i qassh\u00ebm p\u00ebr p\u00ebrdoruesit.<\/p>\n<\/div>\n

\"regjistriiiii-1674240740.webp\"<\/div>\n
\n

Problem tjet\u00ebr \u00ebsht\u00eb se\u00a0ky regjist\u00ebr \u00ebsht\u00eb vet\u00ebm n\u00eb gjuh\u00ebn maqedonase<\/strong>, nd\u00ebrsa\u00a0Ministria e Pun\u00ebs dhe Politik\u00ebs Sociale<\/strong>\u00a0nuk e pa t\u00eb arsyeshme t\u00eb p\u00ebrgjigjet<\/strong>\u00a0n\u00eb pyetjen se p\u00ebrse\u00a0kjo faqe nuk \u00ebsht\u00eb n\u00eb gjuh\u00ebn shqipe<\/strong>\u00a0dhe n\u00ebse \u00ebsht\u00eb n\u00eb plan t\u00eb p\u00ebrkthehet.<\/p>\n

Sa \u00ebsht\u00eb i sigurt p\u00ebr p\u00ebrdorim ky regjist\u00ebr?<\/strong><\/h5>\n

Referuar defekteve t\u00eb lartp\u00ebrmendura p\u00ebr sa i p\u00ebrket siguris\u00eb s\u00eb p\u00ebrdorimit t\u00eb k\u00ebtij regjistri, biseduam me nj\u00eb ekspert t\u00eb informatik\u00ebs. Sipas tij, problemi q\u00ebndron se nuk \u00ebsht\u00eb rinovuar SSL Certifikata, andaj edhe paraqitet si faqe e pasigurt, por q\u00eb kjo sipas tij nuk p\u00ebrmban rrezik p\u00ebr vizitor\u00ebt.<\/p>\n

Ratkoceri: Regjistri t\u00eb jet\u00eb funksional<\/strong><\/h5>\n<\/div>\n
\n
\"Rritet<\/div>\n
\n

Profesoresha universitare e s\u00eb Drejt\u00ebs Penale,\u00a0Vedije<\/strong>\u00a0Ratkoceri<\/strong>\u00a0thot\u00eb se vet\u00eb q\u00ebllimi i ekzistimit t\u00eb k\u00ebtij regjistri p\u00ebr abuzuesit seksual t\u00eb f\u00ebmij\u00ebve dhe pedofil\u00ebve \u00ebsht\u00eb parandalimi i k\u00ebtyre veprave penale. Duke qen\u00eb se k\u00ebto vepra penale shpesh her\u00eb jan\u00eb krime oportune, p\u00ebrmes regjistrit i jepet mund\u00ebsia edhe publikut t\u00eb gjer\u00eb q\u00eb t\u00eb kontribuoj\u00eb n\u00eb parandalimin e tyre. Dhe k\u00ebsisoj, parandalimi p\u00ebrmes regjistrit b\u00ebhet duke pasur qasje vazhdimisht n\u00eb t\u00eb, pra t\u00eb jet\u00eb funksional, si dhe k\u00ebto t\u00eb dh\u00ebna t\u00eb jen\u00eb vazhdimisht t\u00eb azhuruara.<\/p>\n

“Kur dikush ka dyshime apo d\u00ebshiron t\u00eb kontrolloj\u00eb mos vall\u00eb personi (komshiu, m\u00ebsuesi, trajneri, etj) me t\u00eb cilin ka kontakt f\u00ebmija i tij n\u00eb t\u00eb kaluar\u00ebn ka qen\u00eb i d\u00ebnuar p\u00ebr ndonj\u00ebr\u00ebn nga veprat penale q\u00eb lidhen me abuzimin seksual t\u00eb f\u00ebmij\u00ebve dhe trafikimin e tyre t\u00eb mund t\u00eb ket\u00eb qasje n\u00eb regjist\u00ebr dhe t\u00eb marr informat\u00ebn e till\u00eb n\u00eb \u00e7do koh\u00eb sepse kjo do t\u00eb kontribuonte pa dyshim n\u00eb parandalimin e abuzimit potencial t\u00eb f\u00ebmij\u00ebs”, thekson Ratkoceri.<\/p>\n<\/div>\n<\/div>\n

\n
Shifrat e MPB-s\u00eb p\u00ebr pedofilin\u00eb gjat\u00eb viteve t\u00eb kaluara, t\u00eb tmerrshme<\/strong><\/h5>\n

Sipas Ministris\u00eb s\u00eb Pun\u00ebve t\u00eb Brendshme (MPB),<\/strong>\u00a0pedofilia \u00ebsht\u00eb e p\u00ebrfshir\u00eb n\u00eb krimet kund\u00ebr liris\u00eb seksuale dhe moralit seksual dhe p\u00ebr k\u00ebt\u00eb ekzistojn\u00eb disa nene n\u00eb baz\u00eb t\u00eb t\u00eb cil\u00ebs ajo d\u00ebnohet.<\/p>\n

Numri i sulmeve seksuale ndaj f\u00ebmij\u00ebve t\u00eb cil\u00ebt ende nuk kan\u00eb mbushur 14 vjet n\u00eb vitet e kaluara ishte i lart\u00eb, edhe at\u00eb: n\u00eb vitin\u00a02019- 30 raste<\/strong>, n\u00eb vitin\u00a02020- 35 raste<\/strong>, n\u00eb vitin\u00a02021- 28 raste<\/strong>, nd\u00ebrsa n\u00eb periudh\u00ebn\u00a0janar-n\u00ebntor t\u00eb vitit 2022-22 raste<\/strong>.<\/p>\n

T\u00eb dh\u00ebnat tjera tregojn\u00eb se\u00a0numri i viktimave t\u00eb prezantimit t\u00eb materialit pornografik t\u00eb f\u00ebmij\u00ebve p\u00ebr periudh\u00ebn 2019-2021 n\u00eb total \u00ebsht\u00eb 16. Numri i viktimave t\u00eb prodhimit dhe shp\u00ebrndarjes s\u00eb pornografis\u00eb f\u00ebmij\u00ebror\u00eb p\u00ebr k\u00ebt\u00eb periudh\u00eb \u00ebsht\u00eb 9<\/strong>. Nd\u00ebrsa\u00a0numri i incestit p\u00ebr k\u00ebt\u00eb periudh\u00eb \u00ebsht\u00eb 4<\/strong>.<\/p>\n

P\u00ebr vitin\u00a02022<\/strong>, konkretisht periudh\u00ebn janar-n\u00ebntor 2022, sipas Ministris\u00eb s\u00eb Pun\u00ebve t\u00eb Brendshme\u00a0numri i veprave penale kund\u00ebr liris\u00eb seksuale dhe moralit seksual ka qen\u00eb 85 nd\u00ebrsa numri i kryer\u00ebsve 77.<\/strong>\u00a0T\u00eb nj\u00ebjtat n\u00eb form\u00eb t\u00eb detajuar mund t\u00eb shihen n\u00eb ilustrimin e m\u00ebposht\u00ebm.<\/p>\n<\/div>\n

\"copy-of-veprat-penale-kunder-lirise-seksuale-dhe-moralit-seksual-(1)-1674240792.png\"<\/div>\n
\n

Prokuroria ende nuk i ka grumbulluar t\u00eb dh\u00ebnat p\u00ebr vitin 2022<\/strong><\/h4>\n

P\u00ebr sa i p\u00ebrket veprave penale t\u00eb pedofilis\u00eb n\u00eb nivel nacional p\u00ebr vitin 2022, nga\u00a0Prokuroria Themelore Publike<\/strong>\u00a0thon\u00eb se jan\u00eb duke u grumbulluar t\u00eb dh\u00ebnat p\u00ebr procedurat n\u00eb prokurorit\u00eb publike p\u00ebr veprat penale p\u00ebr vitin 2022 p\u00ebr t\u00eb p\u00ebrgatitur Raportin Vjetor p\u00ebr pun\u00ebn e prokurorive publike.<\/p>\n<\/div>\n

\n
<\/div>\n

Sa i p\u00ebrket procedur\u00ebs p\u00ebr vepr\u00ebn penale Sulmi seksual ndaj t\u00eb miturit n\u00ebn 14 vje\u00e7 nga neni 188 i Kodit Penal p\u00ebr vitet e kaluara, numri i tyre \u00ebsht\u00eb pjes\u00eb p\u00ebrb\u00ebr\u00ebse e\u00a0raporteve vjetore\u00a0p\u00ebr pun\u00ebn e prokurorive publike p\u00ebr \u00e7do vit individualisht.<\/p>\n

\n
<\/div>\n

Prokuroria Themelore Publike<\/p>\n

<\/div>\n<\/div>\n<\/div>\n
\"vepra-penale-(2)-1674240811.png\"<\/div>\n
\n

A b\u00ebjn\u00eb mjaftuesh\u00ebm institucionet n\u00eb k\u00ebt\u00eb drejtim?<\/strong><\/h4>\n

Profesoresha\u00a0Ratkoceri<\/strong>\u00a0vler\u00ebson se Maqedonia e Veriut ka qen\u00eb e para dhe e vetmja n\u00eb rajon q\u00eb ka hartuar nj\u00eb politik\u00eb preventive dhe represive ndaj k\u00ebtyre krimeve q\u00eb nga viti 2012 duke miratuar Ligjin e posa\u00e7\u00ebm p\u00ebr regjistrin publik t\u00eb k\u00ebtyre kryer\u00ebsve, pastaj duke inkorporuar n\u00eb legjislacionin penal tretmanin mjek\u00ebsor-farmakologjik (kastrimi kimik) si mas\u00eb t\u00eb siguris\u00eb p\u00ebr k\u00ebta kryer\u00ebs si dhe duke ashp\u00ebrsuar d\u00ebnimet n\u00eb Kodin Penal.<\/p>\n<\/div>\n

\n
<\/div>\n

\u201cMir\u00ebpo, duke mos e v\u00ebn\u00eb asnj\u00ebher\u00eb n\u00eb jet\u00eb tretmanin mjek\u00ebsor-farmakologjik (asnj\u00ebher\u00eb nuk u shqiptua nga Gjykatat ndaj asnj\u00eb kryer\u00ebsi) dhe s\u00eb fundmi edhe duke e hequr at\u00eb nga legjislacioni penal, pastaj duke mos e azhurnuar dhe mbajtur n\u00eb funksion vazhdimisht regjistrin e pedofil\u00ebve, mendoj se Maqedonia e Veriut ka sh\u00ebnuar regres t\u00eb theksuar n\u00eb drejtim t\u00eb parandalimit dhe luftimit t\u00eb abuzimit seksual t\u00eb f\u00ebmij\u00ebve dhe pedofilis\u00eb n\u00eb vend.<\/p>\n

\n
<\/div>\n

Vedije Ratkoceri<\/p>\n

<\/div>\n<\/div>\n<\/div>\n
\n

Ajo shton se institucionet duhet t\u00eb ken\u00eb qasje serioze ndaj k\u00ebtij fenomeni sepse \u00ebsht\u00eb nj\u00eb nd\u00ebr format m\u00eb t\u00eb r\u00ebnda t\u00eb kriminalitetit.<\/p>\n<\/div>\n

\n
<\/div>\n

P\u00ebrve\u00e7 d\u00ebnimeve t\u00eb ashpra me burgim, duhet t\u00eb mendohet edhe p\u00ebr tretman\u00ebt mjek\u00ebsore dhe psikologjike q\u00eb sot shtetet bashk\u00ebkohore i aplikojn\u00eb ndaj abuzuesve seksual t\u00eb f\u00ebmij\u00ebve si dhe t\u00eb kujdesen p\u00ebr funksionalizimin permanent t\u00eb regjistrit. Vigjilent\u00eb ndaj k\u00ebsaj dukurie duhet t\u00eb jen\u00eb edhe prind\u00ebrit dhe t\u00eb tjer\u00ebt q\u00eb kan\u00eb n\u00eb kujdes f\u00ebmij\u00eb.<\/p>\n

\n
<\/div>\n

Vedije Ratkoceri<\/p>\n

<\/div>\n<\/div>\n<\/div>\n
\n

P\u00ebrndryshe, se sa i r\u00ebnd\u00ebsish\u00ebm \u00ebsht\u00eb ky fenomen dhe cilat jan\u00eb pasojat, kjo m\u00eb s\u00eb miri u kuptua pas b\u00ebrjes publike t\u00eb skandalit t\u00eb \u201cDhom\u00ebs Publike<\/strong>\u201d ku shp\u00ebrndaheshin materiale pornografike t\u00eb vajzave, ku n\u00eb mesin e tyre kishte edhe t\u00eb mitura. Krijuesit e k\u00ebtij kanali n\u00eb \u201cTelegram\u201d u d\u00ebnuan me kat\u00ebr vite burg.<\/p>\n

Burimi:\u00a0Portalb<\/a><\/p>\n