{"id":7277,"date":"2023-05-23T13:44:25","date_gmt":"2023-05-23T13:44:25","guid":{"rendered":"https:\/\/mollekuqja.coreup.co\/?p=7277"},"modified":"2024-10-19T13:49:05","modified_gmt":"2024-10-19T13:49:05","slug":"me-shau-si-neper-dhembe-shoqeria-si-ul-dot-grate-ne-krye-te-odes-rrefen-vjollce-berisha","status":"publish","type":"post","link":"https:\/\/mollekuqja.coreup.co\/mk\/me-shau-si-neper-dhembe-shoqeria-si-ul-dot-grate-ne-krye-te-odes-rrefen-vjollce-berisha\/","title":{"rendered":"“M\u00eb shau si n\u00ebp\u00ebr dh\u00ebmb\u00eb”, shoq\u00ebria s’i ul dot grat\u00eb n\u00eb krye t\u00eb “od\u00ebs”, rr\u00ebfen Vjollc\u00eb Berisha"},"content":{"rendered":"
\n

Grat\u00eb politikane n\u00eb Maqedonin\u00eb e Veriut jan\u00eb n\u00eb sh\u00ebnjest\u00ebr t\u00eb dhun\u00ebs verbale. K\u00ebt\u00eb e thot\u00eb\u00a0z\u00ebvend\u00ebsministrja e Bujq\u00ebsis\u00eb, Vjollc\u00eb Berisha\u00a0<\/strong>nga\u00a0Aleanca p\u00ebr Shqiptar\u00ebt.<\/strong>\u00a0Ajo ka shum\u00eb vite q\u00eb \u00ebsht\u00eb e p\u00ebrfshir\u00eb n\u00eb politik\u00eb, p\u00ebr\u00a0Moll\u00ebkuqja<\/a>\u00a0rr\u00ebfen disa nga momentet kur fakti q\u00eb \u00ebsht\u00eb grua n\u00eb sfer\u00ebn publike \u2013 kushtimisht, i ka shkaktuar \u201cprobleme\u201d.<\/p>\n

Politik\u00ebn, si dhe t\u00eb gjitha profesionet tjera q\u00eb kan\u00eb t\u00eb b\u00ebjn\u00eb me sfer\u00ebn publike, patriarkati n\u00eb m\u00ebnyr\u00eb t\u00eb padrejt\u00eb e nd\u00ebrlidh vet\u00ebm me burrat. Kjo ka b\u00eb q\u00eb edhe ato pak gra q\u00eb kan\u00eb\u00a0guxim t\u00eb sfidojn\u00eb mentalitetin dhe stereotipet se politika \u00ebsht\u00eb vet\u00ebm p\u00ebr burra<\/strong>\u00a0dhe t\u00eb p\u00ebrfshihen, shpesh her\u00eb t\u00eb jen\u00eb pre e dhun\u00ebs, seksizmit dhe komenteve t\u00eb pahijshme.<\/p>\n<\/div>\n

\n
<\/div>\n
\n

N\u00eb rrug\u00ebtimin tim si politikane, p\u00ebrtej ndonj\u00eb ofendimi n\u00eb rrjete sociale nga njer\u00ebz t\u00eb panjohur, m\u00eb ka ndodhur q\u00eb t\u00eb d\u00ebgjoj nj\u00eb \u201cburr\u00eb\u201d n\u00eb mosh\u00eb, q\u00eb e mban veten p\u00ebr intelektual, n\u00eb moment mllefi dhe pak\u00ebnaq\u00ebsie personale p\u00ebr nj\u00eb \u00e7\u00ebshtje kadrovike, ta ngrej\u00eb z\u00ebrin, t\u00eb p\u00ebshp\u00ebris\u00eb ofendime dhe ta k\u00ebpus\u00eb nj\u00eb sharje si n\u00ebp\u00ebr dh\u00ebmb\u00eb<\/p>\n<\/blockquote>\n

\n
\n
<\/div>\n

Vjollc\u00eb Berisha<\/p>\n<\/blockquote>\n

<\/div>\n<\/div>\n<\/div>\n
\n

Berisha<\/strong>\u00a0thot\u00eb se s\u2019ka p\u00ebrgatitje q\u00eb t\u00eb b\u00ebn \u201cimun\u201d ndaj k\u00ebtyre sharjeve, duke shtuar \u201cm\u00eb bie nd\u00ebrmend dridhja q\u00eb kam p\u00ebrjetuar, rrahja e fort\u00eb e zemr\u00ebs dhe skuqja e faqeve\u201d.<\/p>\n

Interneti dhe rrjetet-sociale jan\u00eb kryesisht hap\u00ebsira m\u00eb e sigurt ku k\u00ebta dhunues verbal veprojn\u00eb, pa marr\u00eb parasysh nivelit kulturor t\u00eb pjes\u00ebs m\u00eb t\u00eb madhe prej tyre q\u00eb l\u00eb p\u00ebr t\u00eb d\u00ebshiruar, ata\u00a0synimet i kan\u00eb t\u00eb qarta \u2013 q\u00eb grate t\u00eb mos merren me politik\u00eb.<\/strong><\/p>\n

\u201cRrjetet sociale, hap\u00ebsirat p\u00ebr t\u00eb komentuar n\u00eb portale jan\u00eb mund\u00ebsi q\u00eb gjithkush t\u00eb thot\u00eb nj\u00eb fjal\u00eb si t\u2019i vij\u00eb p\u00ebr mbar\u00eb nj\u00eb personi publik a nj\u00eb politikani. Shpesh k\u00ebto fjal\u00eb jan\u00eb tep\u00ebr vulgare, t\u00eb shkruara me nj\u00eb mezigjuh\u00eb, plot gabime gramatikore, ose t\u00ebr\u00ebsisht gabim, q\u00eb shprehin nivelin kulturor t\u00eb shkruesit, por q\u00eb megjithat\u00eb p\u00ebrjetohen keq nga personi q\u00eb \u00ebsht\u00eb viktim\u00eb e sulmeve verbale.Nj\u00eb grua q\u00eb merret me politik\u00eb, p\u00ebrfshir\u00eb edhe veten time, e ka shum\u00eb m\u00eb t\u00eb shpesht\u00eb k\u00ebt\u00eb situat\u00eb. Ndaj grave zbrazet nj\u00eb bresh\u00ebri fjal\u00ebsh t\u00eb turpshme, akuza amoraliteti dhe pa fund ofendime\u201d<\/em><\/p>\n

Por p\u00ebrkund\u00ebr gjith\u00eb k\u00ebtyre situatave,\u00a0Vjollc\u00eb Berisha<\/strong>\u00a0p\u00ebr\u00a0Moll\u00ebkuqja<\/strong>\u00a0thot\u00eb se grate nuk duhet t\u00eb dor\u00ebzohet dhe \u00e7ojn\u00eb \u201cluft\u00ebn\u201d deri n\u00eb fund, shtoi s\u2019duhet lejuar p\u00ebrmbushja e synimeve t\u00eb nj\u00eb pjes\u00eb t\u00eb shoq\u00ebris\u00eb q\u00eb tenton t\u00eb p\u00ebrfitoj\u00eb nga pafuqia fizike e grave.<\/p>\n<\/div>\n

\n
<\/div>\n
\n

Ky lloj i dhun\u00ebs \u00ebsht\u00eb nj\u00eb nga sulmet m\u00eb t\u00eb m\u00ebdha gjinore, sepse n\u00eb thelb synojn\u00eb shuarjen e vullnetit t\u00eb gruas dhe fuqis\u00eb s\u00eb saj. Ka t\u00eb ngjar\u00eb q\u00eb sharjet, ngritja e z\u00ebrit, p\u00ebrdorimet e fjal\u00ebve shpotit\u00ebse t\u00eb b\u00ebhen edhe n\u00eb sy t\u00eb nj\u00eb gruaje dhe drejt saj. Kjo gjithashtu \u00ebsht\u00eb nj\u00eb lloj i ve\u00e7ant\u00eb i dhun\u00ebs q\u00eb tenton t\u00eb p\u00ebrfitoj\u00eb mbase nga pafuqia fizike e nj\u00eb gruaje kund\u00ebr nj\u00eb burri. Megjith\u00eb ndjenj\u00ebn e keqe q\u00eb t\u00eb japin sulmet e k\u00ebtilla, gjuha e urrejtjes, dhuna verbale, mendoj se nj\u00eb grua e fort\u00eb q\u00eb e ka vendosur ta b\u00ebj\u00eb \u201cluft\u00ebn e vet\u201d, do ta b\u00ebj\u00eb dhe do t\u2019ia dal\u00eb<\/p>\n<\/blockquote>\n

\n
\n
<\/div>\n

Vjollc\u00eb Berisha<\/p>\n<\/blockquote>\n

<\/div>\n<\/div>\n<\/div>\n
\n
Grat\u00eb thuajse t\u00eb padukshme n\u00eb vendimmarrje, burrat s\u2019i l\u00ebshojn\u00eb vendet<\/strong><\/h5>\n

N\u00eb qeverin\u00eb aktuale t\u00eb Maqedonis\u00eb s\u00eb Veriut, nga gjithsej\u00a037 poste ministrore,\u00a0<\/strong>vet\u00ebm\u00a07 jan\u00eb gra<\/strong>.<\/p>\n

P\u00ebr dallim nga Qeveria, Kuvendi ka p\u00ebrfaq\u00ebsim m\u00eb t\u00eb mir\u00eb t\u00eb grave, kjo pasi Kodi Zgjedhor e n\u00eb nj\u00eb far forme i obligon partit\u00eb t\u2019i p\u00ebrfshijn\u00eb grat\u00eb n\u00eb lista p\u00ebr deputet\u00eb. Nga gjithsej\u00a0120\u00a0<\/strong>deputet\u00eb,\u00a051\u00a0<\/strong>jan\u00eb gra.<\/p>\n

Q\u00eb nga pavar\u00ebsia e Maqedonis\u00eb s\u00eb Veriut e deri m\u00eb sot, nuk ka pasur asnj\u00eb grua si presidente, kryeministre apo kryetare kuvendi. Vet\u00ebm dy gra kan\u00eb qen\u00eb ushtruese detyre si kryeministre dhe kryetare kuvendi p\u00ebr m\u00eb pak se nj\u00eb muaj.<\/p>\n

D\u00ebshp\u00ebrues \u00ebsht\u00eb numri i grave t\u00eb cilat udh\u00ebheqin me komunat n\u00eb vend, nga gjithsej 81 komuna, vet\u00ebm 2 udh\u00ebhiqen nga kryetare gra.<\/p>\n

Ndryshe, sipas regjistrimit t\u00eb fundit t\u00eb vitit 2021, struktura gjinore n\u00eb Maqedonin\u00eb e Veriut \u00ebsht\u00eb thuaj se e nj\u00ebjt\u00eb. Konkretisht gra ka 925,626 (50.4% ) dhe burra 911,087 (49.6%).<\/p>\n