{"id":644,"date":"2024-01-18T12:09:44","date_gmt":"2024-01-18T12:09:44","guid":{"rendered":"https:\/\/mollekuqja.coreup.co\/?p=644"},"modified":"2024-10-15T12:10:33","modified_gmt":"2024-10-15T12:10:33","slug":"mbi-700-raste-te-dhunes-psikologjike-ne-mv-veshtire-deshmohet-dhe-seshte-e-inkriminuar","status":"publish","type":"post","link":"https:\/\/mollekuqja.coreup.co\/mk\/mbi-700-raste-te-dhunes-psikologjike-ne-mv-veshtire-deshmohet-dhe-seshte-e-inkriminuar\/","title":{"rendered":"Mbi 700 raste t\u00eb dhun\u00ebs psikologjike n\u00eb MV, v\u00ebshtir\u00eb d\u00ebshmohet dhe s’\u00ebsht\u00eb e inkriminuar"},"content":{"rendered":"

N\u00eb vitin 2023 nga\u00a01,166<\/strong>\u00a0raste t\u00eb paraqitura p\u00ebr dhun\u00eb n\u00eb familje,\u00a0708<\/strong>\u00a0kan\u00eb t\u00eb b\u00ebjn\u00eb me dhun\u00ebn psikologjike. Kjo \u00ebsht\u00eb hera e par\u00eb q\u00eb denoncimet p\u00ebr dhun\u00eb psikologjike tejkalojn\u00eb ato p\u00ebr dhun\u00eb fizike, q\u00eb do t\u00eb thot\u00eb se \u00ebsht\u00eb ngritur vet\u00ebdija e p\u00ebrgjithshme n\u00eb vend se edhe dhuna psikologjike, \u00ebsht\u00eb dhun\u00eb dhe duhet t\u00eb denoncohet, p\u00ebrkund\u00ebr q\u00eb shum\u00eb v\u00ebshtir\u00eb d\u00ebshmohet dhe nuk \u00ebsht\u00eb e inkriminuar me ligjet aktuale n\u00eb Maqedonin\u00eb e Veriut.<\/p>\n

Ky num\u00ebr pritet t\u00eb jet\u00eb m\u00eb i lart\u00eb pasi t\u00eb plot\u00ebsohen shifrat p\u00ebr muajt tjer\u00eb.<\/p>\n

“Nga janari deri n\u00eb shtator t\u00eb vitit 2023 kemi pasur gjithsej 1166 raste t\u00eb dhun\u00ebs familjare. Tani i mbledhim p\u00ebr gjith\u00eb vitin, nga shtatori deri n\u00eb dhjetor. S\u00eb shpejti do t’i publikojm\u00eb t\u00eb gjitha t\u00eb dh\u00ebnat p\u00ebr gjith\u00eb vitin 2023. Po, pjesa m\u00eb e madhe, 708 raste, jan\u00eb denoncime p\u00ebr dhun\u00eb fizike p\u00ebr dallim nga m\u00eb par\u00eb, ku lloji m\u00eb i shpesht\u00eb i dhun\u00ebs ka qen\u00eb dhuna fizike”, tha ministrja p\u00ebr Pun\u00eb dhe Politik\u00eb Sociale, Jovanka\u00a0Tren\u00e7evska<\/strong><\/a>.<\/p>\n

Ministrja m\u00eb tej shtoi se p\u00ebrqindja m\u00eb e lart\u00eb e viktimave t\u00eb dhun\u00ebs n\u00eb familje jan\u00eb grat\u00eb. Ajo megjithat\u00eb shtoi se \u2018viktima t\u00eb dhun\u00ebs jan\u00eb edhe f\u00ebmij\u00ebt dhe qytetar\u00ebt m\u00eb t\u00eb moshuar\u2019.<\/p>\n

Organizatat joqeveritare, p\u00ebrfshir\u00eb edhe\u00a0\u201cMoll\u00ebkuqja\u201d<\/a>\u00a0vitet e fundit kan\u00eb realizuar disa kampanja nd\u00ebrgjegj\u00ebsuese n\u00eb lidhje me njohjen e dhun\u00ebs psikologjike. Kjo mund t\u00eb jet\u00eb nd\u00ebr shkaqet q\u00eb ka vet\u00ebdij\u00ebsuar mas\u00ebn n\u00eb vend se dhuna psikologjike, p\u00ebrkund\u00ebr q\u00eb nuk l\u00eb shenja t\u00eb dukshme, \u00ebsht\u00eb dhun\u00eb dhe duhet denoncuar. Andaj, ky \u00ebsht\u00eb viti i par\u00eb kur ky lloj i dhun\u00ebs denoncohet m\u00eb shum\u00eb se sa ai fizik.<\/p>\n

Dhuna psikologjike v\u00ebshtir\u00eb d\u00ebshmohet<\/strong><\/h5>\n

Institucionet kompetente n\u00eb vend viktimave t\u00eb dhun\u00ebs psikologjike ju k\u00ebrkojn\u00eb nj\u00eb konstatim apo mendim nga nj\u00eb psikiat\u00ebr i cili do t\u00eb konstatonte se dhuna e kryer ndaj saj apo tij, ka l\u00ebn\u00eb pasoja negative ndaj sh\u00ebndetit t\u00eb viktim\u00ebs. Vizit\u00ebn te psikiatri e mbulon Fondi Sh\u00ebndet\u00ebsor.<\/p>\n

Aktivist\u00ebt p\u00ebr t\u00eb drejtat e njeriut n\u00eb Maqedonin\u00eb e Veriut kan\u00eb k\u00ebrkuar q\u00eb kjo t\u00eb mos jet\u00eb forma e vetme e d\u00ebshmis\u00eb s\u00eb dhun\u00ebs psikologjike, pasi nj\u00eb pjes\u00eb e viktimave kan\u00eb krijuar mekanizma t\u00eb forta mbrojt\u00ebse dhe nuk ju l\u00eb pasoja kjo lloj e dhun\u00ebs, por kjo nuk do t\u00eb thot\u00eb se ato s\u2019i kan\u00eb mbijetuar dhe nuk jan\u00eb viktima.<\/p>\n

Ky lloj i dhun\u00ebs nuk \u00ebsht\u00eb i inkriminuar ashtu si\u00e7 duhet<\/strong><\/h5>\n

Dhuna psikologjike aktualisht rregullohet me nenin Rrezikim i Siguris\u00eb nga Kodi Penal. Meq\u00eb Maqedonia e Veriut \u00ebsht\u00eb n\u00eb procedur\u00eb e sip\u00ebr t\u00eb sjelljes s\u00eb Kodit t\u00eb ri Penal \u2013 Rrjeti Kund\u00ebr Dhun\u00ebs Ndaj Grave ka k\u00ebrkuar q\u00eb dhuna psikologjike t\u00eb b\u00ebhet vep\u00ebr penale.<\/p>\n

Ata konsiderojn\u00eb se n\u00eb k\u00ebt\u00eb form\u00eb do t\u00eb mund\u00ebsohet mbledhje t\u00eb t\u00eb dh\u00ebnave, gj\u00eb q\u00eb do t\u00eb d\u00ebshmoj\u00eb k\u00ebt\u00eb lloj t\u00eb dhun\u00ebs m\u00eb leht\u00eb. Ky \u00ebsht neni i propozuar nga ky rrjet i organizatave joqeveritare.<\/p>\n

\u201cAi i cili me dhun\u00eb psiqike dhe sjellje k\u00ebrc\u00ebnuese t\u00eb q\u00ebllimshme t\u00eb p\u00ebrs\u00ebritur drejtuar nj\u00eb personi tjet\u00ebr, shkakton d\u00ebmtim t\u00eb integritetit psiqik t\u00eb personit, do t\u00eb d\u00ebnohet prej 6 muaj deri n\u00eb 1 vit burg.\u201d<\/p>\n

Dimushevska nga rrjeti i organizatave kund\u00ebr dhun\u00ebs ndaj grave elaboron pse \u00ebsht\u00eb e r\u00ebnd\u00ebsishme q\u00eb dhuna psikologjike t\u00eb shtohet si vep\u00ebr e ve\u00e7ant\u00eb penale.<\/p>\n

\u201cMe futjen e vepr\u00ebs penale dhun\u00eb psikologjike, fillimisht do t\u00eb mund\u00ebsohet q\u00eb m\u00eb leht\u00eb t\u00eb d\u00ebshmohet, sepse pasi t\u00eb vendoset, m\u00eb pas do t\u00eb zhvillohet nj\u00eb sistem se si do t\u00eb d\u00ebshmohet ajo. Tani gjith\u00e7ka bazohet n\u00eb nj\u00eb raport nga psikiatri, n\u00eb at\u00eb rast mund t\u00eb hapen mund\u00ebsi edhe p\u00ebr m\u00ebnyra t\u00eb tjera p\u00ebr t\u00eb d\u00ebshmuar vepr\u00ebn, se \u00ebsht\u00eb kryer dhuna. N\u00eb m\u00ebnyr\u00eb shtes\u00eb, gjithsesi do t\u00eb parashikohet n\u00eb var\u00ebsi prej koh\u00ebzgjatjes s\u00eb kryerjes, n\u00eb var\u00ebsi prej shum\u00eb faktor\u00ebve do t\u00eb p\u00ebrcaktohet edhe lart\u00ebsia e d\u00ebnimit dhe ndoshta eventualisht do t\u00eb b\u00ebhet e qart\u00eb edhe p\u00ebr vet autor\u00ebt se \u00ebsht\u00eb di\u00e7ka p\u00ebr t\u00eb cil\u00ebn mund t\u00eb d\u00ebnohen dhe n\u00eb at\u00eb m\u00ebnyr\u00eb t\u00eb parandalohet\u201d, kishte deklaruar Elena Dimushevska nga Rrjeti Kund\u00ebr Dhun\u00ebs ndaj Grave.<\/p>\n

Rikujtojm\u00eb q\u00eb ky rrjet i organizatave kund\u00ebr dhun\u00ebs ndaj grave disponon me tre qendra p\u00ebr k\u00ebshillim, edhe at\u00eb n\u00eb Tetov\u00eb, Shkup dhe Manastir. N\u00eb k\u00ebto qendra grave dhe f\u00ebmij\u00ebve ju ofrohet ndihm\u00eb falas psikologjike.<\/p>\n

P\u00ebrndryshe, n\u00eb prill t\u00eb vitit 2023 Moll\u00ebkuqja publikoi nj\u00eb analiz\u00eb t\u00eb detajuar p\u00ebr dhun\u00ebn psikologjike n\u00eb familje n\u00eb Maqedonin\u00eb e Veriut ku t\u00eb dh\u00ebnat ishin alarmante. N\u00eb vitin 2019 pati 1554 raste, n\u00eb vitin 2020 kishte 1531 raste, n\u00eb vitin 2021 numri i rasteve ishte 1608 dhe n\u00eb vitin 2022 gjithsej 1543 raste. Edhe k\u00ebtu shumica e viktimave ishin grat\u00eb.<\/p>\n