{"id":431,"date":"2024-09-28T12:28:19","date_gmt":"2024-09-28T12:28:19","guid":{"rendered":"https:\/\/mollekuqja.coreup.co\/?p=431"},"modified":"2024-12-05T10:59:00","modified_gmt":"2024-12-05T10:59:00","slug":"maqedonia-e-veriut-do-te-luftoje-dhunen-ne-baze-gjinore-edhe-permes-nje-aplikacioni-digjital","status":"publish","type":"post","link":"https:\/\/mollekuqja.coreup.co\/en\/maqedonia-e-veriut-do-te-luftoje-dhunen-ne-baze-gjinore-edhe-permes-nje-aplikacioni-digjital\/","title":{"rendered":"Maqedonia e Veriut do t\u00eb luftoj\u00eb dhun\u00ebn n\u00eb baz\u00eb gjinore edhe p\u00ebrmes nj\u00eb aplikacioni digjital"},"content":{"rendered":"

\u201cRBN Drejt\u00ebsi p\u00ebr dhun\u00ebn n\u00eb baz\u0430 gjinore\u201d \u00ebsht\u00eb aplikacioni mobil i pritet t\u00eb ndihmoj\u00eb n\u00eb forcimin e kapaciteteve t\u00eb Policis\u00eb s\u00eb Maqedonis\u00eb s\u00eb Veriut n\u00eb trajtimin e rasteve t\u00eb grave q\u00eb jan\u00eb viktima t\u00eb dhun\u00ebs dhe dhun\u00ebs n\u00eb familje.<\/p>\n

Ky aplikacion do t\u00eb jet\u00eb pjes\u00eb e materialeve m\u00ebsimore p\u00ebr kadet\u00ebt e policis\u00eb, por edhe t\u00eb procesit t\u00eb vazhduesh\u00ebm m\u00ebsimor t\u00eb n\u00ebpun\u00ebsve policor\u00eb gjat\u00eb detyrave n\u00eb pun\u00eb.<\/p>\n

I nj\u00ebjti do t\u00eb jet\u00eb pjes\u00eb e materialeve p\u00ebr m\u00ebsim t\u00eb kadet\u00ebve p\u00ebr polic\u00eb, por edhe t\u00eb procesit t\u00eb vazhduesh\u00ebm p\u00ebr m\u00ebsim t\u00eb n\u00ebpun\u00ebsve policor\u00eb n\u00eb vendet e tyre t\u00eb pun\u00ebs.<\/p>\n

Ministri i Brendsh\u00ebm i RMV-s\u00eb Pan\u00e7e Toshkovski gjat\u00eb promovimit t\u00eb aplikacionit n\u00eb Qendr\u00ebn p\u00ebr Trajnim t\u00eb Ministris\u00eb s\u00eb Pun\u00ebve t\u00eb Brendshme n\u00eb Idrizov\u00eb theksoi se veglat e k\u00ebtilla p\u00ebr m\u00ebsim si\u00e7 \u00ebsht\u00eb aplikacioni mobil p\u00ebr dhun\u00eb n\u00eb baza gjinore dhe dhun\u00eb familjare, duhet ta mund\u00ebsoj\u00eb procesin si m\u00eb t\u00eb leht\u00eb p\u00ebr m\u00ebsim, p\u00ebr p\u00ebrcjelljen e proceduarave gjat\u00eb veprimit n\u00eb baz\u00eb t\u00eb denoncimeve p\u00ebr k\u00ebt\u00eb lloj t\u00eb veprave penale.<\/p>\n

\u201cPritet nj\u00eb reagim i shpejt\u00eb dhe efikas nga n\u00ebpun\u00ebsi policor, por edhe nj\u00eb p\u00ebrgjigje q\u00eb do t\u00eb k\u00ebnaq\u00eb plot\u00ebsisht drejt\u00ebsin\u00eb procedurale p\u00ebr viktimat. N\u00ebpun\u00ebsit policor\u00eb shpesh p\u00ebrballen me sfid\u00ebn e reagimit ndaj denoncimeve p\u00ebr dhun\u00ebn me baz\u00eb gjinore ndaj grave dhe dhun\u00ebs n\u00eb familje, dhe nevoja p\u00ebr t\u00eb respektuar procedurat n\u00eb denoncim \u00ebsht\u00eb e nj\u00eb r\u00ebnd\u00ebsie t\u00eb jasht\u00ebzakonshme p\u00ebr viktim\u00ebn, por edhe p\u00ebr policin\u00eb si sh\u00ebrbim e cila q\u00ebllimin primar e ka mbrojtjen p\u00ebrmes veprimeve t\u00eb duhura\u201d, theksoi Toshkovski.<\/p>\n

P\u00ebrmbajtja e aplikacionit u zhvillua nga nj\u00eb grup pune me an\u00ebtar\u00eb nga Qendra p\u00ebr Trajnim, Byroja e Siguris\u00eb Publike dhe Departamenti i Informatik\u00ebs dhe Telekomunikacionit, kurse Misioni i OSBE-s\u00eb n\u00eb Vjen\u00eb ofroi mb\u00ebshtetje t\u00eb fort\u00eb n\u00eb zhvillimin e aplikacionit, duke mentoruar t\u00eb gjith\u00eb procesin dhe angazhimin.<\/p>\n

Megjithat\u00eb, kur jemi te dhuna n\u00eb familje n\u00eb RMV shum\u00eb \u00e7\u00ebshtje mbeten t\u00eb hapura si ajo e mbrojtjes s\u00eb viktimave t\u00eb dhun\u00ebs.<\/p>\n

P\u00ebr shembull, shpesh autor\u00ebt e dhun\u00ebs n\u00eb familje mbeten n\u00eb liri nd\u00ebrsa ka raste kur kalojn\u00eb vite nga momenti i\u00a0denoncimit t\u00eb rastit\u00a0n\u00eb Ministrin\u00eb e\u00a0Pun\u00ebve t\u00eb\u00a0Brendshme deri n\u00eb shqiptimin e d\u00ebnimit p\u00ebr dhun\u00eb n\u00eb familje.\u00a0Gjat\u00eb k\u00ebtyre viteve\u00a0autori i dhun\u00ebs n\u00eb familje mund t\u00eb arratiset, ta\u00a0p\u00ebrs\u00ebris\u00eb\u00a0vepr\u00ebn, nd\u00ebrsa\u00a0ndonj\u00ebher\u00eb\u00a0ndodh edhe q\u00eb\u00a0viktima\u00a0t\u00eb\u00a0heq\u00eb dor\u00eb nga ndjekja penale.<\/p>\n

Numri m\u00eb i madh i d\u00ebnimeve q\u00eb autor\u00ebve t\u00eb dhun\u00ebs n\u00eb familje u shqiptohen n\u00eb Gjykat\u00ebn Themelore Penale n\u00eb Shkup jan\u00eb d\u00ebnime me kusht, q\u00eb praktikisht do t\u00eb thot\u00eb se personat q\u00eb kryejn\u00eb dhun\u00eb n\u00eb familje mbeten t\u00eb lir\u00eb, me kusht q\u00eb brenda nj\u00eb afati t\u00eb caktuar t\u00eb mos kryejn\u00eb vep\u00ebr t\u00eb re.<\/p>\n

Ndryshe, n\u00eb Maqedonin\u00eb e Veriut \u00e7do vit regjistrohen qindra dhe mij\u00ebra raste t\u00eb dhun\u00ebs n\u00eb familje apo asaj me baz\u00eb gjinore.<\/p>\n